be   Беларуская мова   Русский язык

[i] Міф аб 8 шклянках вады ў дзень

Чалавечы арганізм з'яўляецца ў большай ступені самарэгулявальнай сiстэмай, апяруючы пачуццямі смагі, голаду і насычэння ў залежнасці ад патрэбаў.

Даследчанне з дапамогай fMRI (функцыянальнай магнітна-рэзананснай тамаграфіi) дазволіла выявіць [1], што неабходны мінімум спажывання вады ў поўнай меры рэгулюецца нашым мозгам (не разглядаючы псіха-фізіялагічныя прычыны парушэння осмарэгуляцыi) на аснове рэгуляцыі дробнай маторыкі. Дэгідратацыя арганізма і павышэнне ўтрымання натрыю ў плазме крыві выклікае тое самае пачуццё смагі (высокая гіперасмалярнасць плазмы крыві зводзіць арганізм у гіперактыўны стан для пошуку вады і нівелявання пагрозы арганізму). Залішняя регідратацыя (перанасычанне арганізма вадой) можа прывесці да сур'ёзных неўралагічных парушэнняў, курчаў і нават смерці ад ацёку мозгу [2].

Пры спажыванні вады адбываецца актывацыя розных участкаў галаўнога мозгу (у першаснай маторнай кары, прэфрантальнай кары, задняй цемянной кары, паласатым целе і таламусе). Намаганні дзеля глытання былі суаднесены з актыўнасцю ў правай прэфрантальнай кары мозгу [1]: трохразовае павелічэнне намаганняў для спрацоўвання глытальнага рэфлексу пры яе дадатковай актывізацыі пасля насычэння вадой.

Дарэчы, базавай функцыяй прэфрантальнай кары з'яўляецца мэта-ўказуючае кіраванне кагнітыўнай (разумовыя працэсы) і маторнай актыўнасцю [3]. Пры гэтым, дарсальная (задняя паверхня) прэфрантальная кара адказна за кароткачасовую памяць і маторыку, вентральная (пярэдняя паверхня) - за эмоцыі [4]. Згодна з даследаваннямі [5], падвышаная актыўнасць левай прэфрантальнай зоны карэлюе з больш высокім ўзроўнем спакою і падтрымлівае выпрацаваную чалавекам стратэгію; у той час як актыўнасць правай прэфрантальнай кары мае супрацьлеглы эфект.

Прынамсі, людзі з высокай актыўнасцю ў правай лобнай частке мозгу больш схільныя да ўплыву звонку, што актыўна выкарыстоўваецца медыя-індустрыяй ў рэкламных мэтах. Аднак, у дачыненні да спажывання вады, актыўнасць дадзенай зоны выклікана актывізацыяй блакіратару глытальнага рэфлексу [1]: чым больш спрабуеце уліць у сябе вады, тым складаней яе праглынуць.

Не прымушайце сябе піць больш, чым хочацца на самай справе. Прыслухоўвайцесь выключна да нарад ўласнай мозгу і будзьце здаровы.